المعاني والمتع اللي ورا الأوضاع الجنسية

 انطون ميلاد  

من المشينير للدوجي ستايل، في أوضاع جنسية بالهبل الناس بتتبسط وتتواصل بيها. الأوضاع الجنسية عاملة زي اللبس ممكن تنوع فيها زي ماانت/ي عاوز، بس في النهاية عندك طقم/ وضع هو المفضل ليك/ي. الوضع دا بيحدده عوامل تانية زي الوزن وشكل الجسم وطوله وحجم القضيب والتحمل البدني (في اوضاع بتحتاج لياقة بدنية وقدرة على التحمل عالية). .بالنسبة للمشينيري missionary (المبشر)، واللي ناس شايفاه، أكتر وضع جنسي سهل وشايع. بيقول إن اللي بيحب المشينيري بيحب يكون في أمان ومستقر، وإنه مبيحبش ياخد ريسكات كتير، الوضع بيبقى إن البنت تنام على ضهرها والولد بيكون بين رجليها.1

الأمان في الجنس مش حاجة وحشة دايمًا، اللي بيستخدم واقي ذكري (كوندوم) للوقاية، على سبيل المثال، بيبقوا ناس بتهتم بشريكهم وبصحتهم الجنسية. الجنس الآمن مش دايما بيبقى ممل برضه، في كوندومس زي سكين كوندوم SKYN™ condom وفلايفور كوندومس flavored condoms بتدي متعة للعلاقة.1

المشينيري برضه بيتبصله على إنه تقليدي، لكن برضه له إيجابيات مهمة، لإن مستوى الحميمية فيه أعلى من أوضاع تانية، البنت اللي بتحب المشينيري بتدور على الحميمية أكتر من الأورجازم، ودا في حد ذاته جميل. 3 

ممكن يكون الدوجي ستايل doggy style أسلوب في شوية مغامرة، بس برضه ليه عيوب، لأن اللي الوضع دا فيه شبهة إهانة للبنت، واحتمال يكون الولد اللي بيحب الإسلوب دا عنده نقص في ثقته بنفسه.1 من ناحية تانية الدوجي ستايل أفضل وضع عن طريقه الراجل يقدر يوصل للجي سبوت 2. في الوضع دا البنت بتقعد على ركبها وبتسند بايديها على المساحة اللي هي عليها (سواء على الأرض أو السرير أو …)، أو ممكن تقعد على ركبها وراسها على الأرض (أو السرير أو …) والراجل يكون وراها، ممكن يكون هو كمان على ركبه أو واقف على الأرض (تكون هي على السرير أو تربيزا أو كرسي وهو واقف على الأرض)، ولازم يكون القضيب متوازي مع بقية الجسم، يعني لو البنت جذعها مايل لتحت لازم يكون القضيب برضه في وضع مايل، ودا عشان عشان متحصلش إصابات ويقدر يوصل للجي سبوت بسهولة.

محبي الدوحي ستايل بيعتبروهم ناس مجنونة ومشعللة وبيحبوا الحياة 3. ومبيخافوش من طبيعتهم الحيوانية وعندهم تصالح معاها، وبيحبوا الاختراق العميق والوقت الطويل. 4 

من المحتمل إن الولاد اللي بيحبوا الأساليب اللي البنات بتبقى فيها أون توب زي الكاو جيرل cow girl ، بيكونوا متدلعين ومتوقعين إنهم بياخدوا كل حاجة بسهولة. 1 من ناحية تانية، اللي بيحب الكاو جيرل ستايل ممكن يتبص له إنه شخص قوي وواثق من نفسه بما فيه الكفاية إنه ميخافش من فقدان السيطرة في العلاقة 3.

البنت اللي بتحب الكاو جيرل او الأساليب اللي بتكون فيها أون توب عموما، بتكون بنت قوية وبتحب السيطرة.5

وبغض النظر عن دا ودا، بالرغم من دا، الكاو جيرل مهم لللي بيدوروا على المتعة، موقع “مِن هيلث” Men’s Health بيقول إنه الكاو جيرل بيخلي الولد يقدر يداعب بظر شريكته عشان يسعدها اكتر.1 دا غير إنه من الأوضاع اللي بتخلي الراجل يوصل للجي سبوت بسهولة. 2

بالنسبة للسبون Spoon أو سبونينج spooning (المعلقة) بيعبر عن البنت الرومانسية الناعمة الرقيقة. فغي الوضع دا البنت بتنام على جمبها في وضع وركبها متنية وقريبة شوية لمستوى خصرها. والراجل بيكون وراها قاعد على ركبه أو واقف على الأرض (لو هي على تربيزا أو كرسي أو …) أو يكون هو نايم على جمبه برضه.

وضعية البينويل (المروحة)، الولد والبنت بيقعدوا ومرجعين جذعهم لورا وساندين بإيديهم على الأرض لورا، البنت بتكون قريبة جدا من الولد وبتلف رجليها حوالين وسطه، وتبدأ في الاختراق والحركة بالوسط لورا ولقدام. في نفس الاتجاه بيعزز المساواه بين الراجل والست. جان اليزابيث لويد مؤلف كتاب Joan Elizabeth Lloyd بيقول إن الأسلوب دا مناسب للاختراق السطحي، ودا مبيأذيش البنت لإن مع الاختراق العميق ممكن يقطع النهايات العصبية للمهبل. 4

الأوضاع اللي بتتضمن مستوى عالي المساواة وضع 69 ، لإنه مفهيوش مسيطر وخاضع. وعادة بيكون الطفل الوسطاني في الأسرة اللي جايين منه. 5

لو نلاحظ إن في كلام ممكن يكون متضارب شوية، ودا راجع لأن شخصية الإنسان مركبة، فبالتالي اللي ممكن يكون بيعبر عن قلة ثقة عند ناس يبقى قوة عند ناس تانية، ودا يخلينا نقرا تفاصيل الشريك ونركب التفاصيل مع بعض لحد مانفهم الشخصية اللي قدامنا، يعني مش منطقي، إن شخص كافح في كل تفاصيل حياته وبنى نفسه بنفسه تقولي عليه إنه دلوع ومتربي على إن كل حاجة بياخدها بالساهل لإنه بيحب الكاو جيرل. برضه لازم اشوف انت/ي محتاج/ـة ايه، يعني مش كل حاجة نفلسفها ونقعد ننظر فيها، الجنس زي ماهو وسيلة تواصل فهو وسيلة متعة ووسيلة إنجاب (هنتكلم عن دا في مقالة تانية). وان شاء الله هنتكلم بشكل تفاصيلي عن الأوضاع دي وأوضاع تانية.

المواقع اللي اخدنها منها معلومات المقال دا:(ملحوظة: حاولت على قد ما أقدر اترجم معاني الكلام ملتزمتش بالمصطلحات اللي قدامي قد ماالتزمت بالفكرة والمعنى)

—–

1 SEX POSITIONS AND THEIR DEEPER MEANINGS

2 The 6 Best G-Spot Sex Positions For Hitting It So You Won’t Want To Quit It

3 What Your Favorite Sex Position Says About You, Because Not All Bedroom Moves Are Created Equal

4 The Pinwheel

5 What Your Favorite Sex Position Says About You

نُشر أولا بموقع بسخاى

http://beskhai.com/article/%D8%A7%D9%84%D9%85%D8%B9%D8%A7%D9%86%D9%8A-%D9%88%D8%A7%D9%84%D9%85%D8%AA%D8%B9-%D8%A7%D9%84%D9%84%D9%8A-%D9%88%D8%B1%D8%A7-%D8%A7%D9%84%D8%A3%D9%88%D8%B6%D8%A7%D8%B9-%D8%A7%D9%84%D8%AC%D9%86%D8%B3/#.W3vJoM4za1t

Print Friendly, PDF & Email
This entry was posted in انطون ميلاد and tagged , . Bookmark the permalink.