“اتجوز “المخرج

نانسي عادل   

لو لقيتها بتقولك كلام عن والدتك واختك واهلك وكلام عاطل في باطل اوعي تتجوزها

لو لقيتها بتقولك رحت فين و جاي منين و فونك مشغول علطول ليه و بتشك كمان فيك و عامله شويه وكيل نيابة و شويه مفتش اوعي تتجوزها

لو لقيتها بتزن و تنكد عليك علطول و عايشه دور امينه رزق اوعي تتجوزها

لو لقيتها صوتها عالي و هجوميه و عنيده و بتتكلم اكتر ما تسمعلك اوعي تتجوزها

لو لقيتها غبيه و بتفسر الأمور بدون عقلانيه و موضوعيه اوعي تتجوزها

لو لقيتها مبهدله و كسىوله اوعي تتجوزها

لو لقيتها مفيش عندها ثقافة اوعي تتجوزها

لو لقيت مفيش ليها اَي طموح الا سياتك اوعي تتجوزها

لو لقيتها مش واثقه في ذاتها و اعتمادية اوعي تتجوزها

لو لقيتها وأكله دماغك في كل حاجه اعمل ايه و آسوي ايه اوعي تتجوزها

لو لقيتها بتلغي مشاركتك لأمور تماماً اوعي تتجوزها

لو لقيتها بتستحقر أنوثتها اوعي تتجوزها

لو لقيتها شخصيه مهزوزه و سلبيه اوعي تتجوزها

لو لقيتها بتقارن بينها و بين فلانه و علانه و دخلت كمان علي مقارنتك بزيد و عبيد اوعي تتجوزها

لو لقيتها طماعه و فاهمه ان الدنيا بداءت و خلصت في يوم و ليله اوعي تتجوزها

لو لقيت نفسك بتتغير بس للأسوأ  اوعي تتجوزها

اصل في شخص بيبقي عامل زي المخرج المحترم المحترف اللي بيعرف  يخرج من الممثل اللي قدّامه موهبته. و يساعده يبقي أفضل و انحج و يطلع منه طاقات ابداعيه .

تزوج امراه تكون لك زوجه وعشيقه وصديقه وأم لاولادك و ….او ابق كما انت اعزب.

Print Friendly, PDF & Email
This entry was posted in نانسي عادل and tagged . Bookmark the permalink.