قبل ما تلبسي فستانك استردي أنوثتك

نانسي عادل 

حاولي تقعدي مع نفسك و تعيدي تقييمها، و تعرفي مواطن ضعفك و تهتمي بتقويتها، و لو لقيتي نفسك في حاجه لمواصلة دراستك مثلاً كمليها، وإذا كنتِي بحاجة لتحسين مظهرك اعملي كدا وإذا كنتي بحاجة لاكتساب المزيد من الخبرات للحصول علي فرصه عمل، اعملي كدا من غير تردد، دا كله تطوير لنفسك و بيوصلك للمزيد من الثقة.

عزيزتي حواء… بقولك النصيحه دي علشان للاسف فيه بنات بتفكر بطريقة انها حتقدر تحصل علي كتير من الفرص عن طريق مظهرها الملفت سواء بقي فرصه عمل، او فرصه جواز او.

بتعتبر جسمها ومظهرها هما المقومات الأساسية..

وتلاقيها تدافع جدا عن كلمة حقوق المرأة،و لكن كل قضيتها ” البسي فستانك

وكأن دي القضية الرئيسية اللي بحلها حتتغير حياة المرأة إلى الأفضل.

ولو فكرنا حنلاقي انها باعت القضية دي اصلا يوم ما اختزلت قيمتها كأنسانه في شوية هدوم، و صور، بتحاول تعجب بيهم شريحه من المجتمع يا اما سطحيه ، يا أما شريحه شايفه ان و ماله دي هترجعنا لسبعينيات القرن الماضي و للزمن الجميل ..

لكن هي ببساطة بتكون بتدافع عن نفسها اصلا بس بغطاء حقوقي.. من خلال الكلام عن قضية عامة.

تصورا إن أعظم حقوق المرأة ومكتسباتها.. هو الفستان اللي عايزه تلبسه و قال بيه هتسترد انوثتها!

جميل انك تتأنقي و تبقي دايما متألقه و مهتمه بمظهرك، بس مش دا جوهر الانوثه، و لا هي دي قضيه المرأه المطلوب حالياً طرحها و بس .

Print Friendly, PDF & Email
This entry was posted in نانسي عادل and tagged , . Bookmark the permalink.