خليكي قويه

 نانسي عادل  

خليكي قويه اول ما اقول كدا بعض الأشخاص وكأني ادعو النساء انها تعلي صوتها وضرب و تبقي عنيده و ند ل ند مع الرجال

تعالي اقولك عزيزي معاني القوه المقصودة ايه...

قويه يعني تتمسك بدراستها….

قويه يعني تعرف ان يكون لها عمل بعد دراستها الي ان يأتي شريك الحياه المناسب….

 قويه يعني لو عزباء ولم تتزوج فدا مش هيقلل منها

قويه يعني لو تزوجت من شبه رجل يُهنها ترفض الاهانه.

قويه يعني لو خلفت تربي صح بعدم ذكوريه وعدم تفرقه بين ابنها الذكر واخته البنت

قويه يعني لو لم تنجب في حاجات كتيره تعوضها مشاعر الامومه

قويه يعني متحركهاش مشاعر الغيره السلبيه من الأخريات.

قويه يعني و لا تقارن حياتها بأي حد و عارفه لن لكل انسان ظروفه و ان هي اكيد الله أعطاها مميزات خاصه لازم تراها….

قويه يعني بتقرأ عشان مخها يبقي واسع و  عندها معرفه تبقي قابله للتغير للافضل...

قويه يعني مش بس جمال شكلها هو المهم لا دا فيها الأهم روحها و شخصها

قويه يعني مش محور حياتها راجل لو مش مرتبطه منتظراه او بتدور عليه و لو في  فحياتها خطيب او زوج  اعتماديه عليه  ودا بيرهقه جداً بعد فتره حتي لو فرح فالاول بيه...

قويه يعني غير متسوله للحب و العواطف يعني اما تعوز تتطلب طلب يبقي بالدموع عشان تستعطفه و لو غلطت و خايفه تعمل مريضه و ضعيفه علشان تصعب عليه

….

قويه يعني

 لو غلطي عادي جربي تاني

قويه يعني خليكي شجاعه، الانوثه مش ضعف لأنك و لا ناقصه و لا عوره

قويه يعني لو أطلقت. او اترملت مش نهايه العالم.

قويه يعني اعرفي حقوقك و واجباتك.….

قويه يعني مستقله و معتمده علي نفسها

قويه يعني عارفه تكون داعم و سند لنفسها الاول و لمن حولها فيما بعد.

قوويه كلام كتير جداً إيجابي

لاني ضد القوه الغلط و ضد العند الغبي و ضد التحرر الغير مسؤل.

فدعونا نضع كل امر في نصبه الصحيح دون  خلط

النهايه ماذا يضرك عزيزي ان تحلت المراه بهذه الصفات؟!

Print Friendly, PDF & Email
This entry was posted in نانسي عادل and tagged . Bookmark the permalink.