المسلم الزئبقي

د.مراد عباس                         

المسلم الزئبقي هو اللي بيشير اية الجلد لهدير في دولة مش بتحكم بالعقوبات دي .. ووقت مايشوف ناس بتجلد وترجم وعايزة تطبق العقوبة يقول عليهم لايمثلوا الاسلام وارهابيين …

المسلم الزئبقي هو اللي بينكر حديث قتل المرتد ويعمل نفسه من بنها ويستخدم اية فمن شاء فليؤمن غلط .. ويقولك ربنا هو اللي يحاسبه على اساس ان حروب الردة كانت ماتش بولينج

المسلم الزئبقي هو اللي بينكر السنة عشان فيها حاجات مش عاجباه في نفس الوقت اللي بيعتمد فيه على السنة في الصلاة وسننها والصوم والزكاة والحج والعمرة ..

المسلم الزئبقي هو اللي بيسمي نفسه ليبرالي وعلماني وديموقراطي ونسي ايات ( ان الحكم الا لله ) ( ومن لم يحكم بما انزل الله فأولئك هم الكافرون ) .. الفاسقون ..الظالمون .

المسلم الزئبقي هو اللي بيقرا لقد كفر الذين قالوا ان الله ثالث ثلاثة .. ان الله هو المسيح .. وبعدين يقولك المسيحيين مش كفرة .. وان المسيحي ممكن يدخل الجنة بعمله الصالح رغم ان الدين عند الله الاسلام .. ومن يبتغ غير الاسلام دينا ..

المسلم الزئبقي هو اللي بينكر السيرة النبوية عشان فيها حاجات مش عاجباه في نفس الوقت اللي بيني حياته الاجتماعية والزوجية على قصص من السيرة .

المسلمة الزئبقية هي اللي عارفة ان التعدد مباح ايا كانت اسبابه وبتألف في القران وبتدعي ان ربنا اباحه لاسباب ..

المسلمة الزئبقية هي اللي مش عارفة يعني ايه زي شرعي وفاكرة ان تغطية الشعر حجاب فرضه ربنا ..

المسلم الزئبقي هو اللي فاهم استفت قلبك غلط .. استفتي قلبك ده لما تكون هتلبس قميص سادة ولا مشجر مش في اوامر وفرائض الاسلام ..

المسلم الزئبقي هو اللي فاكر ان الاسلام بالمزاج يكتب على سطر ويسيب سطر وان ربنا رب قلوب

المسلم الزئبقي هو اللي مايعرفش اي حاجة عن الاسلام وفاكره تيك اودليفري من عند طيارين الفيسبا مصطفى حسني وعمرو خالد …

المسلم الزئبقي هو أحد اسباب فشل المسلم الجهادي اللي عارف دينه كويس وماشي على نهج الاولين في الغزو والسبي واقتسام الغنائم ..

المسلم الزئبقي لا فتح مصحف وقرا سورة الانفال او سورة التوبة او سورة الاحزاب وبيحاول يدور على حد يبررله القتل والذبح والسبي ..

المسلم الزئبقي هو اللي نفسه تقوم الخلافة وتتطبق الشريعة ولما حد يروح يعمل كده يقول عليهم ارهابيين لانه خايف من القانون لكنه من داخله مؤيد للي بيحصل ..

المسلم الزئبقي هو اللي ليل نهار يدعي اللهم عليك بالسيسي واعوانه واول ما حد يموت حد من اعوانه زي النائب العام السابق يقول عليه ارهابي 

من الاخر المسلم الجهادي او الاصولي هو مسلم صريح وواضح وافضل بكثير من الزئبقي الذي يلعب على الحبلين فتكون مشاعره مع الجهادي وتاييده الظاهر لمن يحاربهم

Print Friendly, PDF & Email
This entry was posted in Islamic Studies إسلاميات, Religious Fundamentalism الآًصولية الدينية, مراد عباس and tagged , , , . Bookmark the permalink.