خيال

 كيرلس بهجت     

After the Sitting. Richard Bergh

After the Sitting. Richard Bergh                      

لوحة After the Sitting

للفنان Richard Bergh

اللوحه بتجسد مشهد بنت شابه بملابس منزليه في مكان باين عليه بيت واحد رسام , و شكلها قاعده عشان تترسم .. في نفس الوقت في راجل بيعزف علي كمانجه , مش معروف مين ده , هل ده الرسام , و ساب اللوحه و بيعزف ؟! و لا ده صديق الرسام و الرسام نفسه مش موجود ؟! و لا ده مجرد وهم عند البنت ديه ,, للأسف اللوحه مفيش قصه وراها او حدث ممكن نستدل من خلاله عن الشخصيات ديه ,,

بالرغم من قله المعلومات عن اللوحه , إلا ان بمجرد نظرتك للوحه تحس انها بتتحرك , انك شايف عين البنت و هي مركزه مع عازف الكمان , انك مركز مع ايد الموسيقار و هي بتتحرك علي الكمانه , انك سامع الموسيقي اللي بيعزفها كمان …

كل ده بيرسم حاله من الاعجاب و الاستغراب عند البنت تجاه عازف الكمانجه, خلتها متركزش في اللي كانت بتعمله , ايدها ماسكه الشراب و كانها مشلوله , رقبتها ثابته عليه في وضع مش مريح …

مش عارف كل الحاجات ديه بتصب في وجهه نظري ان عازف الكمانجه ده , من نسيج خيال البنت ديه , و ان الرسام قاعد بيرسمها , بس هي مش مركزه معاه او شايفه , و كأن البنت الجميله ديه قررت اخيرا انها ترسم لوحتها الخاصه و تقرر مين يكون موجود فيها و مين ملوش مكان ,,

مش عارف ليه اول ما شفت اللوحه ديه افتكرت مقوله أحلام مستغانمي :

“ … فنحن حينما نخاف من أن نحب شخصا ,, نكون في الواقع قد أحببناه بالفعل وأنتهى الأمر .. ”

مع ان المقوله ملهاش اي علاقه باللوحه و لا قصتها

, بس افكترها و خلاص

لو عاوز تستمتع اكتر باللوحه و تسطعم جمالها , شوفها و انتا بتسمع الموسيقي ديه :

https://www.youtube.com/watch?v=L_5l7d_QPuI

Print Friendly
This entry was posted in كيرلس بهجت and tagged , , , . Bookmark the permalink.