القط والفار

كيرلس بهجت    عنف تعذيب سجن علاج طب   

الصوره لأحدي ناشطتات الـ Suffragettes في السجن , و هي بيتم تأكيلها غصب عنها , نظرا للاضراب عن الطعام اللي كان مشهور بين اعضاء الـ Suffragettes المسجونين.

الـ Suffragettes , هما مجموعه من الستات اللي ظهرت في اواخر القرن الـ 19 في اوروبا , و كانت اهم مطالبهم المساوه بين الراجل و المرأه و اهميه خق التصويت للمرأه , طبعا الحكومه مكنش فاضيه للكلام ده , و حقوق مرأه و هبل , كانوا الـ Suffragettes بالنسبه للحكومه زي اي ناس ثوريه ضد الاستقرار و مصلحه البلد العليا, و لازم يتخلصوا منهم..

فعلا الحكومه كانت بتطارد قيادات الـ Suffragettes , و كانت بتسجن اللي تقدر عليه , غير طبعا تهيج الرأي العام عليهم و الاستهزاء من مطالبهم , اللي كانت بتتدعي الحكومه ان ده مش وقتها , و ان الست اللي بتنضم للـ Suffragettes ديه من الشيطان !! و ياما قسس و رجال دين اهانوا و احتقروا الـ Suffragettes ..

الـ Suffragettes من ناحيتهم كانوا مش بالسهوله اللي حكومه متخيلها , و عمر ما حاجه قدرت تكسرهم او توقفهم , كان من اهم انواع المقاومه اللي بيمارسوها اعضاء الـ Suffragettes في السجن , هي الاضراب عن الطعام , و ده كان بيخلي الحكومه في موقف حرج , و خصوصا انهم كانوا بيضربوا ان الأكل لفترات طويله ممكن تموتهم ! ..

الحكومه لفتره طويله كانت بتأكلهم غصب عنهم و تستخدم طرق عنيفه عشان تجربهم علي الأكل , لكن كانت كلها بتجي بنتايج عكسيه , لغايه ما الحكومه ابتكرت طريقه جهنيمه عشان تعالج موضوع اضراب الأكل ده و سمتها Cat and Mouse Act ..

الـ Cat and Mouse Act , كانت عبار عن اداره السجن , لما تحس ان خلاص عضوة الـ Suffragettes حتموت من الجوع , تروح مفرجه عنها ! فتخرج برا السجن , فتأكل عادي ,, و تستعيد صحتها , و أول ما الحكومه تعرف ان فلانه رجعت تاني زي الاول و بتاعة مشاكل , تقبض عليها تاني ! و هكذا !! ..

طريقه الـ Cat and Mouse Act , الحكومات الاستبداديه مش مجرد بتستخدمها ضد اضراب الطعام بس , انما ضد اي نوع من انواع المقاومه , و هي انها تسيب الثائر او المعترض ينهك نفسه بنفسه , و لما تحس ان خلاص جاب اخره , تروح فاكه الحصار من عليه , او مبينه له انتصار مزيف , فيهدي شويه و يحاول يستعيد اللي فقده في معركه المقاومه , فترجع تضربه من اول و جديد و هكذا ..

لو عاوز تقرا أكتر عن الـ Suffragettes أو Cat and Mouse Act :

http://www.historylearningsite.co.uk/the-role-of-british…/…/ 

http://www.historylearningsite.co.uk/…/force-feeding-of-su…/

مصدر الصوره :

https://www.pinterest.com/pin/254101603951116082

Print Friendly
This entry was posted in كيرلس بهجت and tagged , , , . Bookmark the permalink.