ميكانيكا نيوتن والنسبية

إسلام إمام إسلام امام

كتير من الناس غير مقتنعة بخصوصية ميكانيكا نيوتن في حركة الاجسام و التي تتمثل في القوانين الثلاثة للحركة و تأخذهم الدهشة اذا قيل انها خاطئة او بالمعنى الاصح خصوصية بمعنى اخر انها محدودة عند ثبوت المكان و الزمان و دول ثابتين على كوكب الارض او على اي جرم سماوي معلوم سرعته و بالتالي زمانه فمثلا لو رميت كرة في خط مستقيم بافتراض انه مفيش قوة هتأثر عليه فيظل متحركا ودة القانون الاول و اذا كانت الكرة متسارعة ممكن بسهولة نطبق القانون التاني و اذا اثرنا بقوة فعل ينتج عنها رد فعل مساوية لها تماما و دة القانون التالت لحد كدا القوانين تمام امال امتى الخلل يحصل وازاي القوانين محدودة !

القوانين محدودة اذا كان الزمان والمكان متغيرين ودة القانون الاساسي بالنسبة للكون كله ان مفيش مكان ثابت و السرعة متغيرة بالتالي الزمن متغير و دة الفرضية النسبية التانية لاينشتاين ازاي المكان و الزمان غير ثابتين في المطلق ببساطة كل الاجرام السماوية في حالة حركة اذن مفيش مكان مطلق او مفيش حاجة اسمها سكون مطلق زي ما افترض نيوتن و دة اول خطأ عند نيوتن و اما بالنسبة لعدم ثبوت الزمان دة اللي قالته النسبية و هشرحه بعدين .

القانون الاول لنيوتن ينص على ان الجسم يبقى على حالته من حيث السكون او الحركة في خط مستقيم و بسرعة منتظمة مالم ثؤثر عليه قوة خارجية تغير من حالته ، لما نطبق الكلام دة على حركة الاجرام السماوية خصوصا النجوم بافتراض ان قوة الدفع الاولى لها هو البيج بانج و في الفراغ هينتج حركة و لكن غير مستقيمة بل تدور دورة و تعتبر يوم بالنسبة لها كجرم سماوي ايضا متسارعة و اعتقد صعب تعيينها بسبب عدم ثبوت المكان اللي اتكلمت عنها ، طيب ازاي نيوتن يقع ف خطأ زي دة بسبب انه فرض حالة السكون المطلق و دة يستحيل وجوده فكل رصد لقوانينه تعتبر “نسبية” و من هنا جاءت الفرضية النسبية الثانية لاينشتاين و الذي بها اسقط قوانين نيوتن للحركة .

القانون التالت لنيوتن ينص على ان لكل فعل رد فعل مساو له مقدارا و مضاد له اتجاها في نفس اللحظة ، من ابسط الامثلة اللي بتنقض القانون دة هو اذا فرضنا اختفاء الشمس و تأثير جاذبيتها على الارض (فعل) ينتج عنه رد فعل على الارض بعد 8 دقائق اذن اختل القانون حيث ينص ان رد الفعل في نفس اللحظة و في بدء الامر تشكك اينشتاين في قوانينه مع افتراض ان سرعة رد الفعل لا نهائية و لكن في النهاية تأكد من فشل قوانين نيوتن الكلاسيكية في الاحجام و السرعات الكبيرة .

و اخيرا ، نيوتن لما اتكلم عن القصور الذاتي ف القانون التاني قال انه بيقاوم الحركة ذاتيا طيب اذا اعتبرنا ان دة فعل اين رد الفعل على حسب القانون الثالت !

Print Friendly, PDF & Email
This entry was posted in Science جامعة تحوت, إسلام إمام and tagged , , . Bookmark the permalink.