تاكل مهلبية بالتراب؟

يسري شاكر  ارهاب اقباط

 طيب كلتها قبل كدة واية رايك فيها؟ مستحيل طبعا تكون اكلتها طيب لو انت تحت تهديد لسلاح هتاكلها ولا لا هتاكلها صح دي الحقيقية اللي بيتعرضها المسيحيين لما يشوفوا عمل فني المفروض انة بيقدم العلاقة بين المسيحيين والمسلمين في طبق وردي شكلة حلو وهنتعرض هنا لتلات امثلة همة فيلم حسن ومرقص لعادل امام وعمر الشريف مسلسل دوران شبرا لدلال عبد العزيز وعفاف شعيب ومحمد رمضان ومسلسل الاخت تريزا لحنان ترك.

فيلم حسن ومرقص بيعرض العلاقة بين قسيس مسيحي وشيخ مسلم بتضطرهم الظروف الملفقة انهم يعيشوا همة وعائلاتهم علي مقربة من بعض وخلال الاحداث المفروض انك تشوف الحب بين العيلتين – التارب فين بقي التارب انة القضية الرئيسية ان ادور ويوسف داوود اللي همة مسيحيين في الحقيقة خارج العمل الفني بالصدفة البحتة علشان يحصل ربط بين المجتمع الحقيقي واالتمثيل همة اللي بيحرضوا المسيحيين وبيهيجوهم وتشوف مشهد لمسيحيين وهمة خارجين من الكنيسة علشان يهاجموا المسلمين عملا بمبدا الدكتور سليم العوا الكنايس مليانة سلاح تهياءات.

في مسلسل دوران شبرا بيتعرض للعلاقة بين جارتين ساكنين في شبرا في شقتين قدام بعض وبنشوف ان العلاقة قديمة بين الاتنين كلام اخر مهلبية صح فين التراب بقي التراب ان الشابة المسيحيية اللي عايشة في فرنسا اول تنزل مصر وتشوف ابن البوابة الجربان تقع في غرامة مش بس كدة لا ابن عفاف شعيب يدوب يسافر شهر للعمل بالغردقة يرجع ومعاة واحدة خواجية اتجوزها لسة فية تراب تاني ايوة زود التارب شوية بيقدملك الشابة المسيحيية نيرمين ماهر اول ما خطيبها يقلها تعالي عندي الشقة تروح وشكلة المخرج والمؤلف قالوا كفاية عليهم نشيلهم التراب اكتر من كدة ومحصلش حاجة بين الشابة المسيحية وخطيبها.

تيجي بقي لمسلسل الاخت تريزا بيعرضلك اختين توام اتفرقوا عن بعض وهمة صغيرين وواحدة عاشت في اسرة مسلمة وبقت مسلمة وواحدة عاشت في اسرة مسيحيية وبقت راهبة في الدير كلام عال عال عال مهلبية صح فين التراب نفس التراب بتاع حسن ومرقص من نفس نوع التراب المسيحيين ان المسيحيين بيبتدوا المشاكل وبيحرضوا علي القتل وبيشيلوا السلاح.

همة كلمتين باختصار للناس اللي بتكتب التراب دة المسيحي من يوم ما بيشوف نور الدنيا بيعيش بمبدا من لطمك علي خدك الايمن فحول لة الايسر ايضا ليا النقمة انا اجازي يقول الرب. يعني بمنتهي البساطة انت مش من حقك انك تنتقم والملاحظة الاخيرة الكشح وصول واطفيح و26 كنيسة اتحرقت في يوم واحد ما شوفناش مسيحي مسك معلقة مهلبية يدافع بيها عن نفسة

Print Friendly
This entry was posted in يسري شاكر and tagged , , . Bookmark the permalink.